Við hvetjum verkstjórnendur til að skipuleggja sín sumarleyfi með aðstoðarfólki vel, enda er að ýmsu að huga.
Huga þarf að eftirfarandi við skipulag sumarfrís verkstjórnenda:
- Gera vaktaplön fyrir aðstoðarfólk.
- Huga að dagpeningum aðstoðarfólks.
- Gera ferðasamninga við aðstoðarfólk.
- Ýmislegt fleira.
Ráðgjafar til þjónustu reiðubúnir
Ráðgjafar NPA miðstöðvarinnar geta aðstoðað félagsfólk miðstöðvarinnar við ýmislegt tengt skipulagi ferðalaga og sent félagsfólki eyðublöð til að nota við gerð ferðasamnings.
Skipulag ferðalaga
- Aðstoðað við starfsmannamál og vaktaplön á meðan á ferð stendur.
- Veitt ráðleggingar varðandi dagpeninga.
- Aðstoðað við að gera ferðasamning við aðstoðarmanneskju.
- Ýmislegt fleira.
Meðal annars er hægt að setja eftirfarandi atriði inn á ferðasamningseyðublaðið:
- Vaktaplan aðstoðarfólks.
- Vaktafrí aðstoðarfólks.
- Upplýsingar um hvort dagpeningar verði greiddir eða hvort útlagður kostnaður verði endurgreiddur.
- Upplýsingar um hvar aðstoðarfólk muni sofa/gista.
Athugið að félagsfólk miðstöðvarinnar hefur einnig aðgang að:
- Ítarefni um skipulag vakta yfir hátíðir
- Eyðublaði þar sem hægt er að skrá sumarfrí aðstoðarfólks
- Sérstökum ferðasamningum fyrir aðstoðarfólk áður en haldið er í ferðalög
- Sérstakri handbók fyrir verkstjórnendur
Myndlýsing: Á myndinni má sjá unga konu sem er í hjólastól. Hún er ljóshærð og er klædd í hvítan bol og hvítar buxur og er í hvítum og svörtum skóm. Hún er með heyrnartól og brosir. Fyrir aftan hana sjást kona og maður sem ganga í burt frá konunni, há hús og há tré með grænum laufblöðum og grátt hellulagt torg.