HVENÆR? Fimmtudagur 12. október, kl. 13:00-16:00. 
HVAR? NPA miðstöðin, Urðarhvarf 8, inngangur A, 2. hæð.

SKRÁNING: Smellið á þennan hlekk.
SÍÐASTI SKRÁNINGARDAGUR: 10. október 2023.
Takmarkað pláss - skráðu þig áður en plássin fyllast!

NPA grunnnámskeið NPA miðstöðvarinnar veita alhliða þekkingu og góða innsýn í NPA. Námskeiðin eru hugsuð fyrir NPA verkstjórnendur, NPA aðstoðarfólk, aðstandendur NPA verkstjórnenda og önnur áhugasöm. Námskeiðið er þróað undir handleiðslu og út frá forsendum NPA notenda. Ekkert um okkur án okkar!

HAUST 2023

NPA NÁMSKEIÐ 1: HUGMYNDAFRÆÐIN UM SJÁLFSTÆTT LÍF
Fimmtudaginn 12. október, kl. 13:00-16:00
Síðasti skráningardagur: Þriðjudagur 10. október
NÁNARI UPPLÝSINGAR HÉR
SKRÁNING HÉR

NPA NÁMSKEIÐ 2: HLUTVERK ÁBYRGÐ OG SAMSKIPTI
Fimmtudaginn 16. nóvember, kl. 13:00-16:00
Síðasti skráningardagur: Þriðjudagur 14. nóvember
SKRÁNING HÉR

Þrír ráðgjafar frá NPA miðstöðinni fóru í tveggja daga vinnuferð til Akureyrar dagana 24.-25. ágúst síðastliðinn. Tilgangur ferðarinnar var að styrkja tengslin við félagsfólk á landsbyggðinni og færa þjónustu NPA miðstöðvarinnar nær þeim.

Heyra mátti mörg „Ó my god“ og „jahérna“ á kynningu á jafnvægishjólastólum hjá NPA miðstöðinni, miðvikudaginn 30. ágúst síðastliðinn.

Kynningin var á vegum Öryggismiðstöðvarinnar sem er með umboð fyrir jafnvægishjólastóla hér á landi. Stefán E. Hafsteinsson, iðjuþjálfi og vörustjóri fyrir Velferð hjá Öryggismiðstöðinni kynnti nokkrar gerðir af jafnvægishjólastólum og Margrét Lilja Arnheiðardóttir, formaður Sjálfsbjargar deildi reynslu sinni af því að nota jafnvægishjólastól. Kynningin var opin öllum og var vel sótt. 23 einstaklingar mættu og var greinilega mikill áhugi á stólunum. Mestur var spenningurinn fyrir hjólastól sem ber nafnið IBOT og fer upp og niður tröppur.

Margrét Lilja Arnheiðardóttir, formaður Sjálfsbjargar Landssambands hreyfihamlaðra, hefur fengið að prófa jafnvægisshjólastól frá Öryggismiðstöðinni og segir tilfinninguna ólýsanlega.

Á aðalfundi Sjálfbjargar 2022 var Margrét Lilja kosin formaður landssambandsins en hún er yngst til að gegna því embætti síðan Sjálfsbjörg var stofnað árið 1961. Margrét er 27 ára og hefur verið einn af eigendum NPA miðstöðvarinnar síðan í lok árs 2019. Helstu áhugamál hennar eru útivist, tölvuleikir og félagsstörf.