NPA miðstöðin tók þátt í ráðstefnu Ráðgjafar- og greiningar-miðstöðvar ríkisins og Gló dagana 7.-8. maí síðastliðinn og var yfirskrift ráðstefnunnar „Sköpum tækifæri - þátttaka og framtíð fatlaðra barna“. Um 500 þátttakendur sóttu ráðstefnuna.
Erna fræðslustýra NPA miðstöðvarinnar, ásamt Rúnari formanni, héldu erindi um ágæti NPA fyrir börn og ungmenni. Reynslan sýnir að þegar börn fá NPA, þá þjálfast þau í hlutverki verkstjórnenda og verða með tímanum sterkir NPA verkstjórnendur. Erindið vakti mikla athygli meðal gesta sem voru foreldrar fatlaðra barna, fagfólk sem starfar í þjónustuúrræðum fyrir fötluð börn og starfsfólk fjölmargra sveitarfélaga.
NPA varningur sló í gegn
NPA miðstöðinni bauðst einnig að vera með bás á ráðstefnunni þar sem gestir gátu kynnt sér NPA og spjallað við ráðgjafa frá miðstöðinni, auk þess að bjóða upp á vörur frá NPA miðstöðinni. Mörg lögðu leið sína á NPA básinn til þess að spjalla og fá skemmtilegan NPA varning eins og taupoka merkta NPA miðstöðinni, litabækur og liti. Litabókin var hönnuð sérstaklega fyrir NPA miðstöðina og í henni er að finna myndir af fötluðum börnum í leik og starfi. Óhætt er að segja að varningurinn hafi slegið í gegn!
