Föstudaginn 25 nóvember veitti Landsbankinn 15 milljónir króna í samfélagsstyrki í fyrsta sinn úr nýjum Samfélagssjóði bankans.

Veittir voru þrjátíu og fimm styrkir, fimm styrkir að upphæð 1 milljón króna hver, tíu styrkir að fjárhæð 500 þúsund krónur og tuttugu styrkir að fjárhæð 250 þúsund krónur. Ríflega 500 umsóknir bárust um styrki úr Samfélagssjóði Landsbankans.

NPA miðstöðin var í hópi þeirra tíu sem hlutu styrk uppá hálfa miljón króna og er styrkurinn sérstaklega eyrnamerkur því að NPA miðstöðin geti haldið fræðslufundi og lengri námskeið til að efla mannréttindavitund fatlaðs fólks og bæta þannig réttarstöðu þess í íslensku samfélagi.

Við hjá NPA miðstöðinni þökkum Landsbankanum kærlega fyrir stuðningin.