Föstudaginn 30. september síðastliðinn hélt varaformaður NPA miðstöðvarinnar, Gísli Björnsson, erindi á árlegri ráðstefnu Menntavísindisviðs Háskóla Íslands, Menntakvikunni. Í erindi sínu fjalllaði Gísli um þær breytingar sem urðu á lífi hans þegar hann fékk notendastýrða persónulega aðstoð og fór að lifa sjálfstæðu lífi. Gísli er einn af frumkvöðlum Íslands í þróun á NPA fyrir fólk með þroskahömlun og var erindi hans á Menntakvikunni mjög áhrifamikið og lærdómsríkt.