Fréttir

Aðalfundur NPA miðstöðvarinnar

Aðalfundur NPA miðstöðvarinnar

Aðalfundur NPA miðstöðvarinnar verður haldinn næstkomandi laugardag, þann 27. maí, kl. 17:00-18:30.

Staðsetning
Aðalfundurinn fer fram á Hilton Reykjavík Nordica, Suðurlandsbraut 2, Reykjavík,herbergi D, 2. hæð. Best er að koma inn í húsið að ofanverðu en þá er gengið beint inn á 2. hæð. Að sjálfsögðu eru þó einnig lyftur í anddyrinu á neðri hæð hússins. 

Kvöldverður í boði NPA miðstöðvarinnar
Að fundi loknum mun NPA miðstöðin bjóða félagsmönnum til kvöldverðar á VOX restaurant sem staðsettur er á neðri hæð hússins.

Lesa >>


Rýmkun á réttindum hreyfihamlaðra vegna bifreiða

Rýmkun á réttindum hreyfihamlaðra vegna bifreiða

Á síðustu mánuðum hafa tekið gildi tvær breytingar á reglugerð um styrki og uppbætur til hreyfihamlaðra einstaklinga vegna bifreiða nr. 170/2009. Annars vegar var gerð reglugerðarbreyting til að auðvelda hreyfihömluðum, sem ekki aka sjálfir, að fá uppbót eða styrk til bifreiðakaupa. Hins vegar var gerð breyting til að mögulegt sé að samnýta bifreiðastyrki/uppbætur til kaupa á einni bifreið ef um tvö eða fleiri hreyfihömluð börn í sömu fjölskyldu er að ræða.

Lesa >>


Lögfesting NPA verði að veruleika

Lögfesting NPA verði að veruleika

Frumvarp velferðarráðherra um þjónustu við fatlað fólk með miklar stuðningsþarfir, þar sem m.a. er kveðið á um lögfestingu NPA (grein 11), var lagt fyrir Alþingi í byrjun apríl 2017.

Frumvarpið fór í gegnum fyrstu umræðu á Alþingi í byrjun maí og var í kjölfarið vísað til velferðarnefndar. Frumvarpið er nú til meðferðar hjá nefndinni og hefur hún veitt frest til 12. maí n.k. til að skila umsögnum um frumvarpið.

Bjartsýni ríkir um að réttur til notendastýrðrar persónulegrar aðstoðar verði lögfestur á þessu ári og að árið 2018 fjölgi NPA samningum.

Lesa >>


Evrópskur dagur um sjálfstætt líf og hjálpartækjasýning í Laugardalshöllinni

Evrópskur dagur um sjálfstætt líf og hjálpartækjasýning í Laugardalshöllinni

Föstudaginn 5. maí er evrópskur dagur um sjálfstætt líf. Þann dag verður NPA miðstöðin í Laugardalshöllinni á hjálpartækjasýningu Sjálfsbjargar 2017 sem ber yfirskriftina tækni, heilsa, lífsstíll. Starfsfólk NPA miðstöðvarinnar og stjórnarfólk sem sjálft notar notendastýrða persónulega aðstoð verða á staðnum og að sjálfsögðu tilbúin til skrafs og ráðagerða.

Lesa >>


Námskeið fyrir aðstoðarfólk

NPA miðstöðin býður upp á námskeið fyrir aðstoðarfólk.

HVENÆR? Fimmtudaginn 27. apríl kl. 13:30-15:30.
HVAR? Betri stofan, Hátúni 12.
KENNSLA: Inga Björk Bjarnadóttir og Rúnar Björn Herrera Þorkelsson.
SKRÁNING: Sendið nafn og kennitölu þeirra sem munu sækja námskeiðið til This e-mail address is being protected from spambots. You need JavaScript enabled to view it., ekki seinna en 23. apríl.

Lesa >>



Fréttasafn

e-max.it: your social media marketing partner